Batangas matagtag sa hambalos ng sunod-sunod na bagyo

Galaw ng BulkangTaal mahigpit na minamanmanan ng PDCC

Nananatiling matatag ang Batangas sa kabila ng sunod-sunod na hambalos ng mga nakaraang bagyo na tumama sa lalawigan sa taong ito ayon sa report ng Provincial Disaster Coordinating Council PDCC na pinamumunuan ni Governor Armando C. Sanchez sa ginanap na joint assembly meeting ng PDCC at Civil Defense Deputized Coordinators CDDC sa Bulwagang Batangan, Gusaling Kapitolyo.Sa ipinalabas na report damages and estimated cost value tanging ang bagyong Caloy ang nag-iwan ng malaking pinsala sa Batangas, kung saan umabot sa P2.18 bilyon ang nawasak na halaga ng mga ari-arian sa crops, livestocks at infrastructures kabilang ang 1,651 na nasirang kabahayan na may 2,327 na apektadong pamilya.Ayon pa kay PACD chief Celia Atienza tumatayong coordinator ng PDCC, hindi rin matatawaran ang kasiraang idinulot ng bagyong Melenyo na tumumbok sa hilagang bahagi ng lalawigan na nag-iwan ng halos P485.5 milyon damages, kabilang ang limang namatay at dalawang malubhang nasugatan sa kasagsagan ng kalamidad.  Kasabay ng ginanap na assembly pinagkalooban ni Governor Sanchez sa pamamagitan ng DSWD ng tulong pinansyal ang pamilya ng mga biktima na tumanggap ng P10.000.00 bawat naulila habang ang pamilya ng nasugatan ay P5.000.00.  Ang super typhoon Reming na ayon sa balita ay sisentro Batangas gayundin ang katatapos lamang na bagyong Seniang ay may dapat ipagpasalamat ang mga Batangueño sa dahilang minimal lamang ang iniwang pinsala ayon pa sa paglalarawan ni Gng. Atienza. Sa ngayon mahigpit na tinututukan ng PDCC katuwang ang PHIVOLCS, ayon na rin sa derektiba ni Gov. Sanchez ang galaw ng Bulkang Taal na bagaman nanatiling tahimik ayon sa mga eksperto sa mga nakalipas na panahon ay dapat ang masusing pagmomonitor.  Nagbigay ng update sa kasalukuyang kalagayan ng Taal Volcano si PHIVOLCS Director Renato Solidum.  Kaugnay rin nito sa pagtitipong ginanap ang presentasyon ng proposed CONPLAN TAAL, kabilang sa mga nagbigay ng panayam at masusing pagbabanghay sa paghahanda sina Jocelyn Atienza CDDC –San Nicolas na nakatutok sa 7KM Danger Zone, si Nelly Riza Montenegro CDDC-Cuenca sa 8-10KM Danger Zone habang sa 11-15KM Danger Zone ay tinututukan ni Victorino Vergara CDDC-Alitagtag.  Ang mga pagkilos na ito ay bunsod na rin ng di-man inaasahan ay dapat paghandang sakuna na maaaring idulot ng pagsabog ng bulkan na ayon pa kay Atienza ay “nakakabahala ang matagal na pananahimik”.  

Sa ngayon ay nakahanay na ang sunod-sunod na series ng mga disaster drill na isinusulong ng PDCC katuwang ang iba pang lead agency ng pamahalang lalawigan, mga munisipyo na nakapalibot sa lawa ng taal at ang mga concern agency ng pamahalaang nasyunal.  Bukod kay Solidum, dumalo rin sa makabuluhang pagtitipon si Office of Civil Defense-IV A Dir. Armando Duque, OIC Batangas Provincial PNP Director P/S Supt. Edmond Santos-Zaide at kinatawan ni P/S Supt. Rodolfo Magtibay, RDCC-VI A, Deputy Director for Operation. JoAz/Batangas PIO Newscenter

Batangas Province Signs accord with KKP, Conservation Intl. 

 

Pormal  ng nilagdaan ng  Pamahalaang Panlalawigan kasama ang  Kabang Kalikasan ng Pilipinas(KKP) Foundation Inc. at Conservation International  Foundation ang isang Memorandum of  Understanding patungkol sa  konserbasyon ng Verde  Island Pssage at karatig baybayin ng lalawigan .  Ang paglagda ng kasulatan ay  naganap noong  ika 7 ng  Diyembre 2006 sa Bulwagang Batangan, Gusaling Kapitolyo, Lungsod ng Batangas.  

Ang  MOU signing ay pinagunahan ni  Batangas Governor Arman C. Sanchez,  KKP  President  Jose Maria Lorenzo Tan at  Conservation International President  Romeo B. Treno at sinaksihan ni Atty. Ronaldo A. Geron , Provincial Administrator, PG-ENRO Chief  Engr. Evelyn Estigoy para sa pamahalaang Panlalawigan, Ricky Sandalo  kinatwan ng KKP at Shiela Vergara para naman sa Conservation International. 

Kinapapalooban ng MOU ang  mga hakbangin ng dapat isagawa at mga programa at responsibilidad ng bawat partido para sa pagpapanatili at konserbasyon ng verde island passage  na tinaguriang   “Center of the Center” of  Marine Bio Diversity  of the world. 

Ang pormulasyon ng nasabing MOU ay tanda na rin ng pagtalima ng lalawigan ng Batangas  sa dalawang Executive Order ni pangulong Gloria Macapagal- Arroyo,  ang EO 578 at EO 533. Nakasaad sa EO 578  ang pagbibigay polisiya sa bansa na bigayang porteksyon ang lahat ng biological dioversity areas para sa kapakinabanagn ng  hinaharap at kasalukuyang henerasyon ng mga Pilipino.  

 Samantalang nilalaman naman ng Excecutive Order 533 ang mandato ng Integrated Coastal Management at mga kaugnay na sangay tulad coastal resource management ang siyang magiging policy framework ng pamahalaang nasyunal pag papayabong at promosyon ng kapakanan ng  coastal resources, marine environment upang  makamtan ang  seguridad ng bansa sa pagkain,  kabuhayan , trabaho at kabawasan sa  natural na kalamidad./ Edwin V. Zabarte/ OPG-PIO

Ikinagalak ni Batangas Governor at concurrent Provincial Sports and Fitness Development chair Armando C. Sanchez ang pagiging kampeon ng mga boksingerong Batangueño sa katatapos na tatlong araw na Cluster I – Southern Tagalog CALABARZON Athletic Association Meet na ginanap sa Cavity City Gymnasium noong Nobyembre 8-10, 2006.

Nasapol ng mga kabataang boksingero ang tatlong medalyang ginto mula sa limang timbang na pinaglabanan karagdagan ang isang pilak at tatlong tanso upang tanghaling Over-all champion ang Batangas Province na pinangalawahan ng dating nangunguna na Quezon.

Mukhang sumusunod sa yapak ni Manny Pacquiao at malayo ang mararating sa larangan ng palakasan sina Roilan Patulot, Harry Pilapil ng Calaca at Honesto Luha ng Lipa City kapwa mga nag-uwi ng medalyang ginto.  Habang sina Arnel Bagos at Joel Evangelista ng Tingloy ang nakapagdagdag ng pilak at tanso ayon sa pagkasunod para sa Batangas karagdagan ang dalawang bronze na inihatid naman nina Rommel Saet at Ian Vargas ng Batangas City.

Kaagapay ng DepEd delegation sa pagkakamit ng pinakabagong tagumpay na ito ang Amateur Boxing Association of Batangas (ABAB) sa pangunguna ni Lito Castro, Arthur Caguitla, Benny Calingasan at Dado Makalintal ng Provincial Assistance for Community Development Office na pinamumunuan ni Gng. Celia Atienza.

Grupo ni Castro ang nangasiwa at nanguna upang maisagawa sa lalawigan ang kauna-unahang Training cum Seminar for Boxing Couches & Referee/Judge na humasa at nagbigay ng sapat na karunungan sa mga couches upang maabot ng mga Batangueño ang paunang tagumpay. 

Ang mga coaches ng mga manlalaro ng lalawigan ay sumailalim sa pinakamahuhusay na couches, referee/judges mula sa Amateur Boxing Association of the Philippines sa katauhan nina Patricio Gaspi at Nolito Velasco, coach at Ass. coach ng Phil. Team at Arturo Vidal, international referee at rank #9 bilang world best referee sa boxing rink.

Sa ngayon tuloy-tuloy pa rin ang paghahasa ng mga batang kampeon na sina Patulot, Pilapil at Luha bilang paghahanda sa nalalapit na Palarong Pambansa na inaasahang magaganap sa Mayo sa Lalawigan ng South Cotabato. PIO-Province News Center     

BATANGAS, “sentro ng sentro” ng Marine Biodiversity ng Pilipinas at buong mundo 

Batangas ang “Center of the Center of Marine Shorefish Biodiversity in the World” na matatagpuan sa Verde Island Corridor na nasa pagitan ng isla ng Batangas at Mindoro ayon sa pag-aaral ng Global Marine Species Assessment of the World Conservation Union na pinangungunahan ni Marine Biologist Dr. Kent Carpenter.

Bunsod nito tinalakay ito sa Batangas sa ginananap na kauna-unahang National Biodiversity Conference noong Nobyembre 8, 2006 sa Verde Island Resort, Batangas City na pinangunahan nina Pangulong Gloria Macapagal Arroyo at Department of Environment and Natural Resources Secretary Angelo Reyes kasama ang may 300 panauhin mula sa private, government at non-government organizations, at academe.

 Ipinabatid sa harap nina Batangas Governor Arman C. Sanchez at 2^nd District Congressman Dodo I. Mandanas kasama ang mga lokal na opisyal at mga naninirahan dito, ang konkretong kalagayan at kahalagahan ng biodiversity na direktang nag-uugnay sa pang-araw-araw na usapin halimbawa ng kalusugan, seguridad sa pagkain na makatutulong upang labanan ang kahirapan.

Layunin din ng Philippine Biodiversity Conservation Priority-setting Program na makabuo ng solido at konkretong programa ang lalawigan at mga bayan sa Batangas Bay Area na patuloy na mapangalagaan ang mga protected areas sa kani-kanilang nasasakupan at makabuo ng mga istratihikong aksyon at rekomendasyon na lubhang kinakailangan upang maprotektahan ang mahahalagang marine species na nanganganib na mawala.

Nabatid sa ulat na ang Pilipinas ay isa lamang sa dalawang bansa sa mundo (kasama ang Madagascar) na itinuturing na “world’s megadiversity country and biodiversity hotspot” na nasa bingit ng panganib na mawala kung mapapabayaan. 

Sa pagtataya sa bawat ektarya, ang Pilipinas ay pang 18 megadiversity country kung ang pag-uusapan ay biological richness na may kabuuang 52,177 species na naitala at napag-alaman pa na ang kalahati nito ay hindi matatagpuan saan mang bahagi ng mundo.  Lumabas sa tatlong taong pag-aaral  ni Dr. Victor Springer ng Smithsonian Institute, sa bilang na ito ay mayroong 1,736 marine species na matatagpuan at naninirahan sa 10-kilometer by 10-kilometer area ng Verde Island Passage sa pagitan ng Batangas at Mindoro.

Bilang tugon ng administrasyon Sanchez sa pamamagitan ni 2^nd District Board Member Florencio De Loyola, Chairman ng SP Laws and Ordinance Committee, sa ngayon ay may nakahain na panukalang ordinansa para sa pagpapanatili at pagprotekta sa kayamanan sa kalaliman ng karagatan ng Lalawigan ng Batangas partikular sa Isla Verde Passage.

Kabuuang P80.3 milyon ang halaga ng mga bagong aklat ang nabili ng Provincial School Board  bilang tugon sa programang One Student, One Book policy ni Batangas Governor at concurrent PSB Chairman Armando Carpio Sanchez sa pangangailangan ng mga kabataang mag-aaral sa elementarya at sekondarya sa Lalawigan. 

            Personal na pinamahalaan ni Gov. Sanchez ang huling serye ng pamamahagi ng mga libro sa mga DepEd  District Supervisors na nagkakahalaga ng P39M may kabuuang 37,000 piraso para sa una at ika-apat na level  o  Sekondarya at 110, 125 na kopya para sa elementarya. sa idinaos na turn-over ceremony sa Bulwagang Batangan, Gusaling Kapitolyo  noong ika- Oktubre 30 at Setyembre 4, 2006.

            Ang mga babasahin ay para sa mga asignatura ng MAPEH, Filipino, Social Studies, English, Math at Home Economics para sa elementary at high school.  Ilan sa title ng aklat ay;  Yaman ng Lahing Kayumanggi, Work book on Integrated Learning in English,  HEKASI- Ang Pilipino sa Makabagong Panahon, Home Economics and Livelihood Education at Linkage for Excellence.

            Matatandaan na lumabas sa datos ng DepEd bago naging Pununglalawigan si  “Gob Arman” ang mga kabataang mag-aaral ay 14 ang naghihiraman sa iisang aklat at ngayon makaraan ang pinakahuling pamamahgi ay lumalabas na Isang Aklat sa Isang Bata.

            Ito ay pagpapakita lamang ng pagtugon ni Gobernador Sanchez sa naunang ipinangako na bago matapos ang kaniyang unang termino bilang pununglalawigan ay may aklat na gagamitin ang bawat kabataang Batangueño.

             “Kaisa at seryoso ang Pamahalaang Panlalawigan sa layuning maging pinakamagaling ang mga “Mag-aaral Batangueno” sa buong bansa sa larangan ng Edukasyon’ dagdag ng Gobernador.  Bilang patunay, nakahanay na rin ang proyektong pagkakaloob ng karagdagang computers, industrial tools at pagdaragdag pa ng mga kinakailangang classrooms pati na ang pagkakaloob isang Tourist Bus at Coaster para sa pamilya ng DepEd Batangas.

            Ipinagbigay alam din ni Governor Sanchez ang planong paghohost ng lalawigan ng Batangas sa gaganaping Southern Tagalog Athletic Meet sa sususnod na taon at ang kahandaan ng lalawigan na mapagdausan ng Palarong Pambansa sa 2008. At bilang hudyat ng hakbang na ito ay  pinasimulan na ang pagsasaayos ng Provincial Sports Complex na may Olympic Standard Track Oval at Football Field, modernong Grandstand, Athletes Quarters, at teachers training center.

            Inamin ni Batangas Province Schools Division Sup. Emma Bautista na kauna-unahan sa kasaysayan ng sistemang panturuan sa lalawigan na ang mga programa at pag-unlad ay direktang may partisipasyon at pakikipag-ugnayan sa kanilang sangay.  Bilang tugon sa progresibong pagbabagong ito ay nangako ang kagawaran na sisikapin nilang manguna ang DepEd Batangas at makatugon sa hamon ng asperasyon ng Sanchez administration na maging Globally and Competitive Province sa 2014.  

 

 

 

           

The Provincial School Board chaired by Batangas Governor Armando Carpio Sanchez reported recently that a total of  25 Gov. Arman C. Sanchez -Type School Buildings were constructed province wide both for elementary and secondary education with a project cost of Php103,527,926.40.Mrs. Merly Pasatiempo, Head, PSB Secretariat, revealed that these classrooms are equipped as well with the teaching supplies needed, 50 armchairs, 2 orbit fans, 2 blackboards and a set of teacher’s table & chair. ACS school buildings are located in: Cawit Elementary School-Taal; Col. Pasia E/S-Cuenca, Quiling E/S – Talisay; Subic E/S-Agoncillo; Nasugbu West Central School-Nasugbu; Banalo E/S-Tingloy; Calo E/S-Lobo; Mataas na Kahoy C/S-Mataas na Kahoy; Sta. Anastacia E/S-Sto. Tomas; Ibaan C/S-Ibaan; Pinagtungulan E/S-San Jose; Cupang E/S-Bauan; Alalum E/S-San Pascual; Sinturisan E/S-San Nicolas; Calatagan C/S-Calatagan and Balayan West C/S-Balayan.  Alitagtag Nat’l. High School-Alitagtag; San Isidro NHS-Malvar; Sta. Teresita NHS-Sta. Teresita; Payapa NHS-Lemery; Lian NHS-Malaruhatan Lian; Sta. Monica NHS-San Luis; Palakpak NHS-Rosario; Tipas NHS-San Juan and Dacanlao NHS-Calaca.The Provincial Engineering Office led by Engr. Arturo Magtibay supervised the construction of the school buildings which are classified into one classroom building; 2 storey 4 classroom buiding, 2 storey 6 classroom building and 2 storey 8 classroom building. 

 

Sa bisa ng Memorandum of Agreement sa pagitan ng Department of Energy, First Gas Corporation at ng Pamahalaang Panlalawigan, sisimulan na ang pagtatayo ng P15 M Provincial Showcase Center sa Kapitolyo. Isinagawa ang groundbreaking ceremony noong ika-2 ng Oktubre sa pangunguna ni Governor Arman C. Sanchez kasama sina Engr. Arturo Magtibay, Engr. Jun Mendoza, BM Serging Atienza, BM Mark Leviste, BM Flor De Loyola, BM Benjie Bausas, BM Jun Berberabe, BM Manolo Maloles, BM Cecilio Hernandez, Exec. Asst. Dante Baronia, Mr. Arsenio Cay at Mr. Romy Atienza.

 

The 135^th Foundation of Lobo, Batangas was successfully held on September 27, 2006 with the Anihan Festival as the highlight. The Anihan Festival is annually celebrated as thanksgiving for bountiful harvest and abundant graces received by the townsfolk of Lobo. A parade featuring floats from different barangays goes around the town. The best float was awarded to Brgy. Masaguitsit with 5,000.00 cash prize, second place went to Brgy. Malapad na Parang  with  3,000.00 cash prize and the third place, Brgy. Olo-Olo with 2,000.00 cash prize. The best performer award for the court dancing competition was bagged by Brgy. San Miguel Elementary School with P20,000.00 cash prize, Lagadlarin Elementary School was second with P16,000.00 cash prize, and third prize to LoboCentralSchool with P12,000.00 cash. For the best costume competition, Lagadlarin Elementary School garnered the First Prize of P5,000.00, second prize of P3,000.00 was won by Soloc Elementary School and third prize of P2,000.00 went to Malapad naParang Elementary School.. 

 

Isang dayalogo  ang  ginanap sa pagitan ng  Pamahalaang Panlalawigan at ng mga kasapi ng Batangas Baywatch Network (BWN) noong nakaraang  ika 3 ng Oktubre 2006. Ang pagpupulong  na ito ay ukol sa planong pagpapalakas ng kapabilidad at muling gawing aktibo ang mga kasapi ng  Bantay Dagat sa lalawigan. 

Sa inihaing resolusyon ng mga kasapi ng Bantay Dagat mula sa mga bayan ng Nasugbu, Balayan, Calatagan, San Luis, Mabini at Tingloy,  dito napapaloob ang planong pagbuo ng konkretong plano at implementasyon ng Marine Law Enforcement sa lahat ng baybayin sa Lalawigan ng Batangas at ang pagbubuo ng  Batangas Marine Law Enforcement Technical Operation Group (BMLETOG). 

Ang BMLETOG ang magsisilbing  “organizing at facilitating agency” sa pagbibigay ng kasanayan sa mga  pangunahing tauhan ng Bantay Dagat sa pagpapanatili ng kaayusan sa mga baybayin at magiging katulong ng Pamahalanng Panlalawigan sa pagmamasid at pagsasagawa ng mga proyektong pangkapaligiran. 

Ipinabatid  ni Provincial Administrator Atty. Ronaldo A. Geron sa nasabing lupon ang  hakbangin ng kasalukuyang Administrasyon  ukol sa integrasyon ng mga kasapi ng Bantay Dagat  sa Accelerated Community Service – Integrated Volunteers  upang mabigyan ang bawat kasapi ng BWN ng kaukulang proteksyon, benipisyo at insentibo sa kanilang pagtupad sa mandato ng batas hinggil sa pangangalaga ng Batangas Bay at Adjacent Bays sa lalawigan.   

Naging kaisa rin sa pakikipag dayologo ang Conservation International Philippines at ang World Wild Life Fund Phils, mga NGO’s na pawang kabalikat ng Pamahalaan sa pagpapanatili ng kaayusan ng karagatan sa lalawigan. / Edwin V. Zabarte/OPG-PIO

“Buhay na buhay ang diwa ng kooperatibismo sa lalawigan ng Batangas” ito ang paglalarawan ni Provincial Cooperative Development Officer Donato Linatoc sa isang panayam na isinagawa ng Arangkada Batangueño kamakailan. Nabatid na nananatiling  pinakamataas ang naitalang volume of business ng kooperatiba sa Batangas na may halagang 2,089,222,703.40 at nabunyag din ayon sa Cooperative Development Authority (CDA) ang Batangas ang may pinakamaraming operating registered cooperatives na may bilang na 394, pangalawa ang Laguna, 361 at pangatlo ang Cavite 335.                

Sa katatapos na 5^th Southern Tagalog Cooperative Congress na ginanap sa Development Academy of the Philippines, Tagaytay City na aktibong nilahukan ng delegasyon ng Batangas.  Kasama ang iba pang probinsya ng CALABARZON at MIMAROPA area na pumangalawa lamang sa lalawigan sa volume of business ang Laguna na may tinatayang P1,414,706,626.80 at ang pumangatlong Quezon P1,077303,503.89. Mayroong 78, 243 ang Batangas na cooperative membership na pangalawa sa lalawigan ng Quezon na mayroong 98,429 members.  Sa ilalim ng temang “Cooperatives Towards a Unified Direction”, layunin ng isinagawang Coop Congress na matukoy ang strengths, weaknesses, opportunities at threats (SWOT analysis) ng mga kooperatiba sa Timog Katagalugan.   Hangad din nitong matugunan ang kanilang pangangailangan at lalong palakasin ang kakayahan at umani ng ibayong pagkilala at pagpapahalaga hindi lamang sa Luzon kundi sa buong bansa. Samantala, sa 55 delegado na mga Coop. Dev’t. Officers mula sa ibat ibang local government units ng Region IV, naging facilitator si G. Linatoc, bagong halal na Vice President for Region IVA-B ng League of Cooperative Development Officers of the Philippines.    Maituturing na isa sa pinakamatagumpay na kooperatiba sa buong bansa, nagbahagi ng success story ang Soro-Soro Ibaba Development Cooperative sa katauhan ni Mr., Rico B Geron, SIDCI General Manager ngb Lungsod ng Batangas. “Umani ng lubos na pagkilala ang SIDCI para sa cooperative business and enterprise development, na nagsimula sa P11,800 na start-up capital na may 59 incorporators na sa kasalukuyan ay mayroon nang total assets na P596 million”.  Heidi Baraan/Joaz OPG-PIO